Соништата се дел од нашето секојдневие. Со години луѓето се обидуваат да дознаат повеќе работи за сонот и за неговото влијание врз луѓето. Еве 10 неверојатни факти во врска со сонот.
10. Слепите луѓе сонуваат
Луѓето кои станале слепи по раѓањето можат да гледаат слики во соништата. Луѓето кои се родени слепи, иако не гледаат слики додека сонуваат, се потпираат на другите сетила - звук, мирис, допир и нивните соништа можат да бидат прилично живописни.
9. Забораваме околу 90% од соништата
5 минути откако се будиме, половина од соништата ги забораваме. Веќе за 10 минути 90% од сонот не го паметиме.
8. Секој сонува
Секое човечко суштество сонува (освен во екстремен случај на пореметена психичка состојба). Како и да е, мажите и жените имаат различни соништа и манифестираат различни физички реакции за време на сонот.
7. Соништата спречуваат душевно растројство
Во некое неодамнешно проучување на соновите, студентите кои биле будени за време на нивниот почеток на сонот, но сепак оставени да спијат наредните 8 часа, сите пројавувале тешкотии во концентрација, халуцинации и знаци на психоза за само 3 дена. Кога конечно биле оставени да ја постигнат нивната РЕМ фаза, нивниот мозок го надокнадил изгубеното време со зголемување на времетраењето од нивниот сон.
6. Сонуваме само она што го знаеме
Нашите соништа понекогаш се полни со непознати луѓе, кои играат одредени улоги во нашиот сон. Но, тие странци постојат во реалниот свет и ние ги имаме видено во минатото, но ги немаме запаметено. Понекогаш се случува да сонуваме некоја личност што сме ја виделе дури кога сме биле мали деца и не се сеќаваме на неа.
5. Не сонуваат сите во боја
12% од луѓето сонуваат исклучиво во црно бело. Останатите сонуваат во боја. Сеуште не е утврдено дали соновите во црно-бело имаат поголемо емотивно влијание врз нас, отколку соновите во боја.
4. Соновите не означуваат тоа што го сонуваме
Ова е веќе познато. Тоа што го сонуваме, воопшто не мора да значи дека е вистина или дека означува токму тоа што сме го сонувале. Соновите најчесто имаат длабоко симболичен таен јазик. Тоа е затоа што потсвеста се обидува ги спореди содржината на сонот и нешто што е многу слично и познато на тоа.
3. Тие што се откажуваат, сонуваат поживописни соништа
Пушачите кои се откажале од цигарите, имаат изјавено дека сонуваат поживи и појасни соништа отколку што обично сонувале. Околу 33% од бившите пушачи се изјасниле дека во рок од 1 до 4 недели имале барем 1 сон поврзан со пушењето, како се наоѓаат во ситација во која запалиле повторно цигара и притоа во сонот чувстуваат паника и вина.
2. Надворешноста влијае на нашите соништа
Многу често ни се случува да чуеме звук за време на нашиот сон и притоа да го продолжиме сонот во зависност од звукот што сме го чуле. Или додека сме заспале, сме биле физички жедни, па сонуваме како пиеме вода од голема чаша, но никако да го сопреме чувството на жед. Оваа состојба се нарекува „Обединување на соништата“.
1. Ние сме парализирани додека сонуваме
Верувале или не, телото ни е виртуелно парализирано додека сонуваме, најчесто како одбранбен систем на самото тело да не дејствува во зависност на тоа што го сонува.
