Автоматско гаснење на компјутерот
Замислете ја следната ситуација: легнати сте на кревет, слушате тивка музика, и лесно паѓате во сон. Но во текот на ноќта се будите затоа што ве нервира тоа проклето бучење на компјутерот. Во продолжение ќе ви објасниме како да наместите компјутерот да се исклучи по одредено време.
Кликнете на “Start -> All Programs -> Accessories -> System Tools -> Scheduled Tasks”. Потоа кликнете на “Add Scheduled Task” , па “Next” , па “Browse”. Пронајдете го извршниот фајл “shutdown.exe” во директориумот “C:\windows\system32” .
Под “Perform this task” одберете “One time only”.
Потоа одберете време и датум кога сакате вашиот компјутер да се изгасни.
Доколку имате лозинка на активниот акаунт на вашиот windows, внесете ја.
Пред да завршиме, мора да додадеме одредени параметри за правилно да работи shutdown програмата.
Пред да кликнете на “Finish”, штиклирајте ја опцијата “Open advanced properties for this task when I click finish.”
Во “Run:” додајте ги параметрите “-s –t 00” како на сликата погоре. Тоа значи дека компјутерот ќе се изгасни во точното време кое претходно го зададовте. Кликнете ОК.
Ќе споменеме уште некои можни параметри за програмата “shutdown”.
Доколку во претходниот чекор ги впишете параметрите како на сликата погоре, компјутерот нема да се изгасни, туку ќе се рестартира, а доколку место “r” внесете “l” , ќе се изврши “Log Off”.
За крај, доколку сакате да избришете веќе зададена задача во Task Scheduler, отворете го, и кликнете на десниот клик на задачата, и одберете “Delete”.
Task Scheduler можете да го користите за многу други автоматизирани процеси на компјутерот, пр. чистење на непотребни фајлови, дефрагментација на дискот, и сл.
